Ikhukhuliseke nabantu imoto kwibhulorho yase Nqabarha!!
Gatyana – Kuvakala ukuba kwizantyalantyala zemvula ezithe gqolo ukuyidliva kwi Phondo le Mpuma Kapa kuye kwakhukhuliseka imoto kwi bhulorho yase Nqabarha ephakathi kwelali yase Mthokwane kwakunye nelali yase Mpume apha ku Gatyana. Lemoto kuchazwa ukuba ibisuka edolophini ku Gatyana isingise kwi lali yase Ngoma. Ngokwengxelo ethiwe thaca phambi kovuka ayibambe abangonondaba belijelo kubikwe ukuba akukhomntu wonzakeleyo kwesosithathu sikhutshiwe kweloshwangusha. UKrawuzi wethu utyatyadule wathi owesine ngumntwana oqikilelwa kwiminyaka emine – 4 esidla amazimba, unobalisa uthi kukho nomntwana wesikolo ebengekafumaneki ngethuba esithela tshuphe esisishiqi simanyumnyezi. Ingxelo iqhuba ithi le moto yeshwangusha ibonwe yimoto ebizodankisa kwilali yase Mpume iyeyase Posini. Lomasizana akule moto yase posini athe akuthi ntla ngalemoto izika bajika bayokukhwaza u iwuu!! kuluntu ngaphezulu ekuhlaleni ukuba nantsi imoto iginywa ligongqongqo kwibhulorho yase Nqabarha. Kwangoko abahlali baphume ngobuninzi uyakuhlangula ezontsizana besele ziyibona igadi yakulo Mosisi amathemba sele etshabalele. Utshilo UNokrawuzana ekwachaza ukuba lebhulorho inobungozi kwaye abasemagunyeni kuzokufuneka banyuse ikawusi kumaquza wabo okusebenza.
Photo: Ngumboniso
