Kuthiwe ndlelantle kwizikhwakhwa zotishala base Ngadla JSS

Ngadla – Ibinga mayeye namahelehele eNgadla kwisikolo samabanga asezantsi ngethuba kusithiwa ndlelantle ntombi ka ntshotshwana, ndlelandle sikhumb’ esihle kwimidak’ emnyama engeva sepha koko iphuphuma lulwazi, kwizikhwakhwa nezikhakhamela eziphum’izandla zabafundisintsapho ezibini zase Ngadla JSS, uMiss Magoda kwakunye no Tishala uMr Qendu. Kuthiwa engapheliyo iyahlola ezizisele zenyathi kufikelele ixesha lokuba zikhe ziyokuthi khebevu zijonge abazukulwana kuba ebebekuthinyiwe kwiSebe leze Mfundo bakugqibile.

Andifuni kungayithi vu njengo Nokrawuzana othembekileyo welijelo – (Admin) nam ndikhe nawufumana utsip tsip wozipho nolwazi kulentombi yakwa Dlamini ngethuba efika eNgadla JSS, ndandiseyilentanga yolus’ amatakane egusha, (Fine leyo ke ingabinamsebenzi)

Siyakubulela Dlamini. Ngoku singo Nokrawuzana abathembekileyo ngenxa yakho. Hlalani phantsi bazali nidle ihabile nosapho.