Utyholwa ngobututu owasetyhini nonyana wakhe ku Mfula!!!

Ku Mfula – Buthe gqolo ubututu okanye ubusela nobutshivela kokusetyenziswa kwengqondo kwindawo esihlala kuzo ngabantu abathile. Kusasanje kuvakala ukuba indoda ethile kwakunye nonina wayo bagwetyiwe yinkundla yase kuhlaleni izolo umhla wamashumi amabini ananye – 21 EyoMdumba 2023, emva kwesishiqi nesihelegu sokutyholwa kwabo ukuba bafunyenwe negusha ebiweyo. UNokrawuzana osiphokozele kulomphanda wendaba kusasanje, usibikele ukuba “lamatutu mabini asenze esisehlo kwilali yaku Mfula kwalapha ku Gatyana, kwangoko kuhlatywe umkhosi luluntu lasekuhlaleni ukuze kuzochotshelwa lenyewe, kuvungulwa umdlungu emboneni” utshilo. Bebekwe esizikithini senkundla bebhilabhilwa ngemibuzo ngabahlali bebebonakala bezintsizana, xeshikweni indoda emingenyawo ibonakala yombethe ufele lwegusha. Nathi sisakhwanqisiwe sesisehlo esibandakanya nowasetyhini.