Abakwantsasana boMzantsi Afrika – South African Police Service bakhuphe ingxelo engqina ukuba kukho inqwelo moya encinci ethe ngxingxilili kwisikhululo senqwelo moya sase King Phalo kuGompo City, okukulandela ingxelo egqogrisa ngeziqhushumbisi. Amapolisa angqine ukuba kukho umnxeba ofunyenweyo usebenzisa inombolo efihlakeleyo engaziwayo (unknown caller ising private number), ichaza ngobukho benqwelo ntaka encinci eneziqhushumbisi. Kungokunje le nqwelo ntaka ijongwe ngeliso lokhozi phantsi kwemithetho yezokhuseleo (standard security protocols). Abakhweli abamalunga nekhulu limashumi asibhozo enesine – 184 ebebesele bekhwele kwenye inqwelo ntaka bohlisiwe ngokukhuselekileyo. Ingqiza logcinwucwangco kwezokhuseleko sele beme ngobume ukuze baqwalasele unongekehli, kuquka iBombo Disposal Unit, K9 Explosive Detection Dogs, Hostage Negotiators, Disaster Management, Airport Security nabe Emergency Medical Services. Lendawo iphantsi kolawulo ngamagosa aselungelweni. Kuyacelwa noluntu bangahambisi amarhe namahem hem kandiva koko bavumele abezokhuseleko benze umsebenzi wabo ngaphandle kokuphazanyiswa. Inkcukacha ezithe vetshe zakuthi zaziswe rhoqo xa kukho ezintsha ezivelayo.
About the Author
