Abekwe kwikhaya lawo lokugqibela amalungu osapho lakwa Mazamisa ngentsasa yanamhlanje. Inginginya yabantu idelele lo mozulu imanzi tixi izokuthi mawaphumle ngoxolo. Ezi ntsapho zathi zahlaselwa kwikhaya lawo ngumntu ongaziwayo. Kulomngcwabo bekukho neenkokheli ezifana neNkulumbuso yePhondo laseMpuma Kapa, kwakunye no Sodolophu waseMbhashe uGqirhalwazi Samkelo Janda nabaseBukhosini nemvumi yomculo we gospile uBetusile nabanye abantu abahloniphekileyo.
Umyalezo weNkulumbuso uthi “umthetho mawudlale indima yawo kwabo bohluthe ubomi bolusapho lakwa Mazamisa, kwaye uyacela ebongoza nabani one nkcukacha ancedise uphando labakwantsana – SAPS kuphando lwabo. Watsho esithi funeke sisebenzisene sisonke ukuqinisekisa abo bangabenzi bobubi badibane nengalo yomthetho” Mabaphumle ngoxolo
Lamalungu osapho ngu Mama Eleanor Mazamisa Ahha!! Nojongile kwakunye no Nkosi Mzonke Mazamisa Ahhaa!!! Gudlulwandle. Ukanti xa siqwalasela ngasemva kwinyanga yeKhala bekusandoku ngcwatywa utata welikhaya uBaw’ uNkosi Montgomerry Mazamisa Ahhaa!! Zanoxolo nongu tata welikhaya oye walandulela eli.
