UMasipala waseMbhashe usengomnye woomasipala basekhaya abaphantsi komasipala wesithili i Amathole abachaphazeleke kwizehlo zentlekele yakutsha nje.
Namhlanje, UMasipala weSithili i-Amathole (ADM) exhaswe yi SPF ne National Lotteries baqhube inkqubo yokunikezela ngenxaso kubahlali kwiholo lase Dutywa, Gatyane nase Xhorha, nabathe bachaphazeleka kwintlekele zakutsha nje. Injongo yolunikezelo kukubonelela nokuncedisa ekunciphiseni ukubandezeleka, ukukhuthaza uzinzo, nokukhuthaza ukomelela xa kukho iintlekele.
Ezivawutshazi zihlulwe ngoluhlobo lulandelayo. R2000 enokusetyenziswa ukuthenga kwivenkile ekhethiweyo ukuthenga izinto zendlu, iimpahla, ithayile zophahla, nayo nantoni na enokufumaneka kulevenkile. Eyesibini R350 ukuthenga izixhobo zokufunda kwakulevenkile.
Ezimbini R250 kunye R675 ukuthenga izinto ezifana neyunifomu kunye nezihlangu zesikolo.
USodolophu wasembhashe uCeba Samkelo Janda ngexesha enikeza ngentetha yakhe uphawule ukuba uMbhashe yeyona ndawo ethanda ukwehlelwa zintlekele, ekwabongoza nentsebenziswano phakathi kukarhulumente, uMasipala wesithili kunye noomasipala bamakhaya.
“xasinikezwa inkxaso ngurhulumente nathi singumasipala wamakhaya siye sixakameze ukuncedisa urhulumente”
Uqhubeke ekhuthaza abahlali ukuba bathi gqolo ukuya kwintlanganiso apho kujongwa umonakalo owenzekileyo kwaye banikeze ngeenkcukacha zabo ezipheleleyo ukuncedisana nabo. Ooceba bendawo kunye nabahlali bebeyinxalenye yalenkqubo. Eziseshoni zizakuqhuba kwiholo lakuGatyana naseXhorha.
